النهاردة كان الأضراب ... والنهاردة كانت المجزرة ... النظام تحول إلي وحش أعمي كان بيخبط في كل الناس لدرجة أن قناة البي بي سي ذكر مبعوثها أن الداخلية تقبض على كل الأشخاص اللي بيلبسوا أسود ... المحلة النهاردة أثبتت أنها بلد الرجال ... واللي حصل يوم للأضراب مكنشي بأيد رجالة المحلة , ولكنه كان بأيد كلاب الحكومة اللي سابتهم يكالوا في الناس الغلابة, ... مارو كلمتوا من شوية بيقولي المحلة والعة ... ومجازر بمعني كلمة مجازر بتحصل هناك ... والقاهرة أعتقلوا فيها ناس كتير أوى ... والمنيا عندنا الأمن أقتحم معظم الهيئات وأخد أسماء الناس اللي غابت عن أشغالها ... ده غير أنوا الأمن كان مغطي شوارع المنيا كلها ... ده غير الأسكندرية ومعظم محافظات مصر ...
الخلاصة يا جماعة
الأضراب نجح ... ونجح فوق ما كنا نتخيل ... وكانت ضاربة جامدة على قفا النظام وصرخة شارك فيها الشعب المصري المقهور ... ولم يشارك فيها الأخوان "................" طبعاً ما يستاهلوش باقي اللقب لأنهم مش بيمثلوا حد من المسلمين دول بيمثلوا بس أهوائهم الخاصة ... المهم مش وقت أخوان ولا زفت ... النهاردة كانت بداية الثورة , وأول مسمار في نعش مبارك الأب ومبارك الأبن وحزبهم الملعون
أعلنها
خلاص هو ده وقت الأضرابات المتتالية .... لازم كلنا نتحرك واللي هايتحبس ولا هايتصاب ولا حتى هايموت ... كلوا فداء مصر , مصر خربت يا مبارك , مصر خلاص بقيت خرابة كبيرة والناس بتبيع في لحمها علشان تاكل , خلاص جه وقت التغيير , النهاردة الأضراب نجح وبكرة أي أضراب تاني هاينجح
قوم يا شعب واتحرك
بلدنا وبنحبها .... ومش هانبطل نحبها ... وانت يا مبارك أنت واصحابك الحرامية سيبونا بقي في حالنا ومتنسوش تاخدوا الأخوان المسلمين معاكم .... مش عاوزينهم ولا عاوزينكم
في النهاية ان شاء الله بدعوا كل مصر للأضراب يوم 2 مايو يعني بعد عيد العمال بيوم علشان يكون أفضل أحتفال بعيد العمال
وتسقط الحكومة الفاشلة
ويسقط حسنى مبارك
ويسقط الحزب الوطني
ومعاه الأخوان المسلمين
الصور منقولة من مدونة ياللا نفضحهم
.jpg)
منقولة من مدونة جيم أوفر "محمد مارو"
.jpg)
منقولة من مدونة "مصر" أحمد الجيزاوى"
في النهاية تحيا مصر
تحيا مصر
تحيا مصر
تعديل
الأضراب أن شاء الله يوم 4 مايو
علشان يكون أحلى هدية لمبارك الأب في عيد ميلاده
11 comments:
الحمد لله الشعب ابتدي يفووووووووق عقبال المصريين كلهم
لو اضراب بنفس الهمجية
يبقي مش عاوزينه
الدعوة حالياً على الفيس بوك لإضراب في 4 مايو
في عيد ميلاد مبارك
علشان نحتفل معاه بعيد ميلاده الـ 80
مبروك يا حماده بس مستنين النتيجه وفعلا بتوع المحله كانوا اقوى وربنا يكون فى عونهم انما الناس التانيه اللى مشاركوش كده مش محتاجين كلام عنهم
جميل ان الاضراب سمع ولكن عندي تعليق علي كلماتك عن الذين لم يشاركو وخصوصا الاخوان وان احسب انك شاركت غير معلن عن مشاركتك كما شارك معظم اعضاء الجماعة من بيوتهم وهذة كانت الدعوة الاصلية وحتي اني لم اجد لك دعوة علي مدونتك ت
تدعو الي الاضراب وعلي مدار مدونتك وموضوعاتك التي قراتها لم اجد لك موضوعا يتكلم عن اعتالات الاخوان وتشريد اسر وحرمان اباء من ابنائهم ونساء من ازواجههم ولكن وجدة منك شماتة كبية في هولاء الناس واظنك كمان كنت تتمني كما تتمني الداخلية المشاكة الرسمية للأخوان علشان تتهمهم الداخلية ويتم اعتقال الداخلية لالاف منهم وحضرتك ومثقفين البلد العظام قاعدين في بيوتهم
يعني المطلو ان الاخوان يعملو كل حاجة ويفرشولك الارض رمل وانتا تيجي تتمخط عليها
وعموما ياستاذ حمادة لو كان الاخوان شاركو في الاضراب اللي انا مش معترض علية كان هيبقا منظم ومش هيطلع كدة ابدا
وعموما دة مكنش اضراب دة كان استفزاز امني ردعلية ناس ممكن يكون منهم اخوان وشيوعين وناس عادين ومسلمين ومسحين علشان يطلعو غلهم في الحكومة والنظام
وشكرا واعتذر للأطالة
ابراهيم
ممكن اطلب من حضرتك طلب لا معلش هما ثلاث طلبات
الطلب الاول:اقراء اسباب عدم مشاركه الاخوان ياسم الجماعه ومشاركتها كافراد
الطلب التانى :ادخل مدونه(انسي)وهتعرف الاخوان عن قرب
طلب اخير متحكمش على حد من خلال كلام سمعته او قله شفتهم ومعجبوكش
انا اسفه لو كلامى ضايق حضرتك بس محبتش اكون شيطان اخرس
اعزك الله
الحمد الله على نعمة العقل اللى طلعت على الشعب بعد غياب
تحياتى
ملك المصرية
مصر فعلاً بدأت تتغير
حسن البنا
ازيك يا حماده
بس انا سمعت اني فيه اضراب يوم 4/5 يوم عيد ميلاد المخفي اسمه
ازاي 2/5
انتم هتقضو كل الايام اضراب ولا ايه ههههههههههه
بس بجد مبسوطه اني يوم 4 ابرايل نجح
بجد بجد المحلة دول طلعو رجاله
الشعب فاق من الغيبوبه اللي كان عايش فيها
ربنا يستر من الجاي
تحياتي
رودي
بس اْنا شاركت فى تعليقات كتيرة جدا فى موضوع الإضراب ده , اْسمحلى اغير وجه الموضوع شويه انت بتحب لطيفة وفيروز موت زى ممكن نكون اْصحاب اصلى انا زيك تمام كده خش وشوف كتاباتى عن لطيفة على مدونتى
http://sociology4life.blogspot.com/
Post a Comment