Wednesday, May 21, 2008

المستحي


معلشي يا جماعة القصيدة باظت ... وكتبتها تاني ... هى قصيدة للمبدع طلال فيصل من ديوانه الفظيع الملائكة لا تشاهد الأفلام الإباحية القصيدة اللي اخترتها أسمها المستحي بصراحة القصيدة حاسس أنها بتتكلم عني وعن كتير من الشباب , في حجات كتير غلط بنعملها , وحجات كتير صح مش بنعملها , وكتير بيكون السبب مش "إيماني" لا بتكون حجات تانية منها العادات والتقاليد , والعرف , والخجل كما حدث لطلال في قصيدته , هسيبكم مع القصيدة ويارب تعجبكم


المستحي

ما بين رصيفٍ .. ورصيفٍ

تتلاقي الأعين في وجلِ

جارتُنا الحلوةُ ...

ألمحها ...

والشارع بحر من علِلِ

يا جسدا ليس به غلطة ..

يا وردا .. يا باقة فلّ

يا أحلى بنتٍ في الدنيا ...

انصرفي ......

هذا خيٌُر لي

يا ربي ..

يا ربي اصرفها عنٌّي

- لم يستجب الله لقولي -

فأرها ...

تدونو .....

وأراني مختبئاً أهرب في ظلّي

تتحرك نحوي ..

كحصانٍِ وتميل فأفزع للميلِ

وقع المحظورُ ونادتني

..أين سأذهبُ ..؟

مَا مِن سُبُل

تقتربُ .....

فأبصر بسمتها

(كم أخشي من رد الفعلِ)

فارتب ذهناً مضطرباً

وأعد كلاماً للقولِ

إني مرتبكُ . مرتبكُ ..

مثلَ العصفور المبتلَّ

أسمعها تنطق اشياءً

فتتوه الكلماتُ بعقلي

كلماتي حيرى تائهةُ

(كلماتٌ تبحثُ عن جُمَل)

تتكلمُ ....

تضحكُ .......

تتساءلُ .. تفتحُ موضوعاً للوصلِ

وأنا .... كجدارٍ من خشبٍ

لم أتحرك ..

لم أنفعلِ

:هتفت تسألني ضاحكةً

!لم وجهك محمر قل لي؟

وتمر اللحظاتُ .. علينا

وتمر دقائقُ .. كالذلّ

:-لم تلبث قالت - واجمةً

تبدو لي مثل المنشغلِ

وانصرفت عني محبطةً .. من صمتي المطبقِ

من فشلي

أخبطُ جبهةَ رأسي غيظاً ...

وبرئتي بركانٌ يغلي

حتى لم أطلب هاتفها

(هل يوجد في الدنيا مثلي)

يا فتنةُ ..... أعترفُ بذنبي

وحلالٌ في شرعك قتلي

تركتني الفاتنةُ كأني

جرحٌ في خاصرِة الأزلِ

تركتني مع ألفَ سؤالٍ

يجرح أعماقي كالنصلِ

خطأ مختلط بصوابٍ ..

وحرامٌ تائُه في حِلٌ

الجرأة ليست في طبعي

والرغبةُ .....

والرغبةُ تملؤني كلَّي

والتقوى ..

هي محض ستارٍ يخفي المشكلة بلا حَلَّ

لا داعي أن ألعب دوراً ....

أو أرسم نفسي كالبطلِ

ولأعترف الآن حزيناً

فلعلي أرتاح ..... لعلَّي

لم يمنعني اللهُ ... ولكن

يمنعني ..

!ما يدعي .. خجلي

20 comments:

ريمان said...

الله الله الله

بجد بجد رائعه جدا

وفعلا بتحكى عن شباب كتير

وللاسف برده بتحكى عن البنات اللى مش عندها حياء اللى عندها الجرأه اللى حرمها الشرع فى تلك المواقف


بوست رائع حماده

بوست متميز


استمر

Anonymous said...

عزيزي حماده ..
الكلمات فعلاً تشعر بها جداً انك معها
موسيهاها عاليه وكلماته راقيه
وليس فقط ما يحمله هو خفة الظل التي ظهرت في كلمات القصيده وفي اسم الديوان

المستحي
اختيار رائع يا عزيزي

Anonymous said...

قصيدة رائعه وواقعية ومعبرة
احييك على اختيار ياحمادة
ايمان

بنت الاسلام said...

مممممممممممممم

مشاعر شباب

بتخرج علي الورق

بتعبر عن حقايق

وسلسلة ماسي

نعذرهم

ولا نعاتبهم

ونلومهم


هما في نار

والعيشة كلها نار

ولو سكتنالهم

هيروحوا النار

مدحت محمد said...

يا فتنةُ ..... أعترفُ بذنبي


وحلالٌ في شرعك قتلي


تركتني الفاتنةُ كأني


جرحٌ في خاصرِة الأزلِ

القصيدة جامدة ياحمادة

والله انت واد ذوقك عالى اوى

mohammed alsha3r said...

ماشاء الله عليك يازيدان
دايما مبدع
عاوز اشوفك ياض
وشحتنى

بنت مصريه said...

يا عم احمد
هو فيه رجاله بتستحى دلوقتى
والله ولا زمان
دا الرجاله دول عنيهم تندب فيها رصاصه
اه والله يا خويا
ههههههههههه
بوست جميل احييك
واتمنى تنورنى

حمادة زيدان said...

ريمان
أشكرك بجد
والله طلال حاكي عن كتيررررررر من الشباب والله انا صدقته اوى

حمادة زيدان said...

عموووووووووور
ميرسي يا عمور ويارااااااايت تشتري الديوان

حمادة زيدان said...

ايمان
نورتي وتالت مرة أكتب الكومينت ومش بيتنشر
ههههههههههههههههههههههههههههه
شكله تأثيرك عالي
ههههههههههههههههههههههههههههه
أو نورك زاد عالمدونة وعمل قفلة في الكهرباء
ههههههههههههههههههههه

حمادة زيدان said...

بطووووط
والله دى مشاعر ملايين الناس مش الشباب بس
هفهمك حاجة
اسألي نفسك كدة كام حاجة بتعمليها بتكون حرام , أو حلال بس بتعمليها او مش بتعمليها لسبب تاني غير الخوف من ربنا
انا مش بمثلك عليكي بس على اى حد تانى او عليا انا
نورتيني يا بطووووووط

حمادة زيدان said...

مدحت يا فقري
الكومينت مش عاوز يتنشر
ميرسي على زوقي

حمادة زيدان said...

شــــــــــــاعر
والله انت كمان وحشتني اوى

حمادة زيدان said...

بنت مصرية
شوفتي بئه أهو طلع فيه
نورتيني
وأكيد لي شرف الزيارة

الدرعمي said...

جميل هذا الكلام ياصديقي

لا أملك سوى أن أقول

كلنا هذا الرجل

ولهذا المستحي أقول

لست وحدك

تحياتي لذوقك العالي

اختيار موفق


آدم

الدرعمي said...

بقولك يا صاحبي

ياريت تضيفني عالياهو

adam_4lovers@yahoo.com


منتظرك


آدم

Zika said...

قصيده هايله بجد
تحياتي لمدونتك الهايله
تحياتي ليك
زيكا

Unknown said...

حلوة جداا وجميل انك تحطها هناا

قصيدة حلوة جداا
وتعبر عن واقع يعيشه شبابنا

tota said...

سبعه يظلهم الله يوم القيامه تحت ظل عرشه
احدهما:رجل دعته امرأة ذات منصب وجمال فقال: إني أخاف الله رب العالمين
سلامي ليك وكل الود

د. محمد رضا said...

جميله اوي

الراجل ده كلامه تلقائي

عجبني حقيقي


شكرا لك وشكرا له