تاج جالي النهاردة ومن مين ... من البت كيكي أم أعز أتنين أصحابي برعي ومدامته تفيدة هانم المهم التاج كان عاوزني أتكلم عن نفسي في 16 نقطة أممممممممممم مش عارف أقول إيه بس ... والله بجد مش عارف ابتدي منين ياللا هغمض عيني واقول يا
مسهل ... وابتدي
أولاً: أحب أعرفكم إني لزقة الحاجة اللي بحبها من وانا صغنون بتفضل معايا إلى ما لا نهاية .. يعني أشرحلكم حبيت لطيفة وحبيت وشجعت الإسمعايلي من وانا عيل صغير ومازالت إلي الآن لطيفاوي جداً واسمعلاوي جداً بس حالياً بطلت أتفرج على أي كورة
علشان مش عاوز أموت بدري
ثانياً : ودي حاجة مش أنا اللي بقول عليها دول اصحابي اللي عمال على بطال بيقولها ... بيقولوا عليا إني طيب أوي أنا والله مش عارف بجد أنا طيب ولا بستبهل ولا عامل فيها طيب الله أعلم
ثالثاً : مش بيتبل في بوقي فوله ... آه والله فتان شويتين ... بس عندي مبادئ في بوح الأسرار ... يعني بحسبها بدماغي "هل لو قولت السر ده هيحصل حاجة للي قلي عليه ... لو دماغي جاوبتني وقالت نو وقتها الخبر ممكن يتنشر في الاهرام والجمهورية كمان
رابعاً : " وأوف من رابعاً دي "كئيب أوي وبحب بعيد عنكم الحزن زي عنيا ... بس مش كل الحزن , أنا بحب الحزن الرومانسي أوي ... يعني لما بكون لوحدي أروح مشغل فيروز وأوبز لو غنوة داست على حتة وجعاني ... يالهوي ... ساعتها حنفية عنيا بتفتح ومش بتقفل أبداً ... وبعدها بغسل وشي واقول لنفسي "إيه العبط اللي كنت بعمله
ده" آه والله بقول كده لنفسي
خامساً : مرتبطة شوية باللي قبلها حبيبة قلبي روزة فيروز لو قولتلكم أنا حاسس أنها صاحبتي الأنتيم دلؤتي آه والله الأنتيم بسمعها ليل ونهار وفي كل وقت ... صوتها بيفرحني ويبكيني ناس هتستغرب طيب ولطيفة ... لطيفة بقي مش هكدب عليكم لو قلت أنها "أنا" وخلاص
سادساً : علاقتي ب ربنا مش متظبته خالص ... أنا متأكد أنه ربنا بيحبني بس أنا مقصر أوي أوي ... ونفسي أشكر ربنا على نعم كتير أنعم عليا بيها ... وياما بلاوى سودة رفعها عني بس أنا بردوا مقصر ... اللي بيحبني يدعيلي أقدر أكون ملتزم
سابعاً :.. بابا الله يرحمه ... أطيب إنسان شوفته على وجه الأرض ... بحبه أوي ومفتقده أوى أوى ... وبقوله "بابا لو كنت زعلتك في أي حاجة سامحني" بليز يا جماعة أدعوله بالرحمة لأنه فعلاً يستحقها
ثامناً :... ماما ... ست الكل ... حبيبة قلبي ... ياةةة مش هقدر أوفيها ولا بكلام الدنيا كله ... حببتي , ربنا يخلهالي يا رب ... وبقولها "ماما أدعيلي أوي من قلبك" وخلي بالك من اخواتي
تاسعاً :أخواتي جميعاً ... أجمل وأروع أخوات في الدنيا ... متعرفوش يا جماعة لما بيت يكون فيه مجنون زيي ... ويلاقي المساندة والدلع الماسخ من مجموعة من
الاخوات ... ربنا يخليهملي يارب
بصوا بقي من العاشر للستاشر دي حجات هقولها ع السريع وربنا يستر
عاشراً: نفسي أفتح عيني واغمض مايبقاش في رقابة
أحد عشر: بحب حرية الفرد وبحترمها لأبعد الحدود مهما كانت ميوله أو معتقداته
الثاني عشر: نفسي أصحى من النوم ألاقي أي حاجة حصلت جديدة في مصر
الثالث عشر :متناقض جداً جداً جدا
الرابع عشر : بتغاظ أوي وبتفرس من جنابي من قنوات الإعلانات "قصدي" القنوات الدينية اللي تلاقي فيها كام واحد قعدين يعقدونا في حياتنا وفي النص تلاقي اعلانات للحلل والطبيخ وأي حاجة تانية تجيب فلوس حتى لو كان سم في هيئة علاج
الخامس عشر: لتات وعجان مع ناس معينين من اصحابي ... مش بعرف اسكت وانا معاهم بقعد ألك ألك ألك لغاية ما يقولوا ستووووب أرحمنا بس الموضوع ده مش مع كل الناس
السادس عشر و خلاص خلصت هييييييييييييييه : علشان دي الأخيرة هقسمها لنصين ... كلمتين ع السريع للي هحبه"أنا لما بحب بحب بجد ... بليز بلاش صدمات" والنص التاني لأغلى اصحاب في الدنيا واللي بدورهم هيتقسموا اتنين نص محلى صنع في المنيا هكتب أساميهم كنوع من التشهير بقي "أحمد فؤاد , محمود بكر ، أحمد فولي ، محمد صلاح ، محمد حسن" ودول يا جماعة على الرغم من تفرقنا بس في القلب والله ... أما الجزء التاني بقي فدول حقيقي , حبايبي أوى أوى ... هقول الشباب بس علشان محدش يفهمني غلط ... على فكرة دول الجزء اللي أثر فيا وواقفين جمبي لأبعد الحدود ... والباقي في قلبي ... بس لازم حبايبي دول أكرمهم
حبيبي محمد مارو و عمار و حبيبي أحمد سعيد نيجر و شاعر و مدحت و علاء اللي متغرب في الامارات ربنا معاه يارب وأخيراً بشكر البت كيكي على التاج بتاعها وانا هبعته لكل واحد عاوز يتكلم عن نفسه بصراحة ... نسيت أقولكم إني عندي زهايمر وممكن أكون فوت كتير مقلتوش بس ياللا تتعوض
تعديل صغير
إلي حببتي لبنان ألف تحية وألف سلام
سلاموز بقي وادعولي أخلص الكام قصة اللي شغال فيهم
متنسوش ألبوم لطيفة 12 / 7 يعني معاه كام يوم وينزل
الصورة تصميم عتمان من عائلة لطيفة أون لاين
36 comments:
حماده باشا
علي فكره احنا فينا حجات كتير متشابهه
لكن
الاختلاف
اني مش بحب الاغاني بالطريقه دي
ولا بحب مغني بعينه
ممكن اكون بسمعها لكن هي بتسليني مش اكتر
وبيني وبينك اخاف احب حد منهم لان الحديث بيقول ( من احي قوم حشر معهم) وانت عارف فيروز والناس دول اخرتهم ايه
اسف لو خنقتك ممكن اختلف معك ولا اختلف عليك
تحياتي
سلام عليكم اخ حمادة
صراحتك رائعة,احييك عليها
و ما دام عرفنا الغلط,نصلحه
الشاطر من يقع و ينهض
حماك و وفقك الله
سلوى
ماشاء الله فيك كل الصفات الحميده
فتان ولتات ربنا يزيد ويبارك
بس حلوة والله الفكره دي عجبتني جدا
هههههههههههههه
على فكره انا قرات البوست اكتر من مرة
بس مكنتش اعرف انك فتان اوى كده
بس انا بأييد الناس اللى بتقول عليك طيب
وعلى فكرة انا برضه بحب الحزن الرومانسى
وكنت بحب النكد لانه كان الوحيد اللى مونسنى
لكن الوقتى خلاص الحمد لله
بطلنا النكد
وربنا يرحم والدك يا حماده ويدخله الجنه ويجمعك بيه فى الاخره
وربنا يباركلك فى والدتك واخواتك
ياااااااااااااارب
وانا شاء الله هتكون من اقرب الناس الى الله وهتكون ملتزم ان شاء الله
على فكرة يا حماده
انا من اللنوع اللى مش اى حد ياثر فيا
فى ناس لو سمعت شريط او قرات قصه ممكن تتوب وتتقرب من ربنا
انا مش كده للاسف
لكن انا بفضل الله ربنا هو اللى بيهدينى مش حد تانى
ربنا يسرلك امورك كلها
ويحقق لك كل امانيك
ربنا يعينك ياحماده فى حياتك
اهليين حمادة
من اجمل البوستات التي انكتبت عموما..جميل جدا ان يعري الانسان نفسه و يكشف للناس عامه محاسنه و شوائبه..احييك على الشجاعة قلة منا لها تلك القوه في الوقوف و فضح انفسنا بتلك الطريقة..احييك على الكلام الجميل..الله يرحم والدك و يسكنه جنات النعيم...بس بيني و بينك انا زعلان..يعني ما اوردت اسمي حتى بالحروف الاولى..اشو الصداقة و الزمالة..بس بجد عجبني البوست..خصوصا الفضايح..سلام
تميم
اولا اقول
الله يرحم والدى ووالدك و كل اموات المسلمين
الفاتحه بقى ليهم
ثانيا
اه انت طيب اوووووى بس ممل اوى اوى
هههههههههههه
ثالثا
يادى ام لطيفه
انا كنت بعزها دلوقتى بئيت بكرهها منك و بسببك
اما لبنان فهى حبيبت الكل
لثالث عشر :متناقض جداً جداً جدا
هههههههههههههههههههههههىىىىىىىىىىى خخخخخخخخخخ
من اجابتك واضح ومن معرفتى الشخصيه بيك يا بتاع حريه الفرد انت تقصد حريه الفرن صح ههههههههههه ولا ناسى انت حكمت على ناس ايه احماحم يا لا خلى الطوابق متستره ههههههههههه
بس انت مستطيب مش طيب
بس احلى حاجه فيك انك بتشجع الاسماعيلى انا بعشقه بجد
بس الله يخرب بيت شيطانك قطيفه حد يحب قطيفه يا حماده يالا هفوتها لك من ضمن جنانك
حماده باشا الكبير
فى الاول الله يرحم والدك
ويجمعكم فى الجنة ان شاء الله
وربنا يقربك منه اكتر واكتر
لانك مش بعيد صدقنى
انا عارف كده
حتى لو انتا حاسس انك بعيد
فربنا قريب مننا اوى
ثم تعالى هنا بئه
وعلى رأى مارو
يادى أم لطيفة .. ارحمنا منها بئه
هههههههههههههههههه
أنا كمان باشجع حرية الفرد
بس الفرد العاقل المتزن
واخدلى بالك انتا
هههههههههههه
المهم
ربنا يعلم مدى حبى ليك
لانك فعلا انسان طيب
يعنى هما بس شوية رتوش صغيرة كده وتبقى فله
ههههههههههههههه
بالنسبة لدموعك الرومانسية والغالية اوى
هاكلمك عليها بعدين
الظاهر والله اعلم انى طولت عليك
شوية من نفسى بئه
ما انتا مزهقنا
هههههههههههههههههههههههه
يلا ياحبيبى
تحياتى
ع
م
ا
ر
ايه الحلاوه
دى والاجابات الجامده دى
الحمد لله التاج بعد عنى
ربنا يوفقك
ربنا يرحم والدك ياحمادة يارب ويبارك
لك فى والدتك
ويخليلك اخواتك يرب وميحرمكش منهم
ويخليلك فيروز ولبنان ولطيفة برضه
وحاول تقرب من ربنا الايام دى ياواد احنا داخلين على رمضان والايام دى ايام مفترجة
ربنا يثبتنا ويثبتك
وزى مانا اخ عزيز عليك برضه انت اخ عزيز عليا اوى ياحمادة والله ربنا العالم
سلاموز يازميلى
عووووووووووووووووووووو انا جيت اتخديت
................................
يالهووووووووووووووووووووى
لحيقت كدة على طواااااااااال
فعلا مش بيتبل فى بقك طعمية كدة خااااااااااااالص
............................
فتااااااااااان واضح
ومنتاقد...وراغى...
ربنا يرحم والدك الهم ما امين
..........................
لا بجد انت صريح اووووووووووووووى
ودى احلى حاجة
عاجبتنى اوووووووووووووى
بتاعت فتان دى بجد
ضحكتنى وحياة ربنا
..............................
يالهوووووووووووووووووووى
بتحب لطيفة للدرجة دى
...........................
وعاجبتنى لم بتحب بتحب بجد
بلاش مصدمات....اةةةةةةةةةةةةةة
عندك حق والله
............................
الحمد الله انى فضحتك وكشفتك
الحمد الله
.........................
نهااااااااااااااارك مش فايت مع برعى
لو شاف البوست دة
جيب سيرة تفيدة
ازاى تكتب اسمها...الطار ولا العار
يا جعايدى
.........................
طخ خخ
........................
ربنا يوقفك فى القصص ويهديك
الهم ما امين
ويديم المحبة والاخوة الى بينا
..............................
عووووووووووووووووووووووو
ايه دة؟؟؟؟ كنت جاية ادبسك فى تاج لقيتك لابس واحد يللا تتعوض مش مهم بس اييييييييييييه؟؟؟؟
انت طيب بجد يا حمادة على فكرة
عجبانى صراحتك موووووووووت
و قليل قوى لما تلاقى حد مخاص اوى لصحابة و للحاجات اللى بيحبها
استمر يا باشا
سلامى
دكتور هيما حبيبي
الحمد لله أنه ربنا جمعنا في شوية حجات كدة ... بعدين موضوع الاغاني دي قناعات وانا مقدرش اعيش من غيرها
والاختلاف في الرأي لا يفسد للود قضية يا دكتور
سلام محبة
سلوى
ميرسي إلك الله ما يحرمني من وجودك الدائم كلام مهضوم كتير
دينا
شوفتي كيكي خلتني نشرت البلاوى بتاعتي في المدونة
أقول فيها ايه بس
خلاص هبطل لك
سلاموز
وميرسي على زيارتك
ريمان
ربنا يسعدلك كل ايامك يارب
ميرسي على كلامك الحلو وربنا يتقبل منك لدعائك
سلاموز بقي
شاااااااااااعر
ميرسي يا بوب ربنا يخليك يارب
تميم
ميرسي ليك برشا برشا برشا برشا
على كلامك الكتير حلو
والله انت في القلب يا تميموا وربنا اعلم
سلاموز
مارو حبيبي
ربنا يرحم ابويا وابوك يارب ويدخلهم الجنة يارب العالمين
انا اه ممل شويتين عندك مانع
كمان تتك ضربة متشتمش في لطيفة
ههههههههههههههههههههههههههههههههههه
سلاموز بقي بيبي
آبي
بصي بقي يا ستي
شمرت التي شيرت النص كم اصلا وهتعدلك بقي
أه بقي بحترم حرية الفرد "هو انتي شوفتين اتخانقت مع حد بيشرب "تيتتتتتتتتتتتت" ولا حاجة انا بس قولت رأيي وخلاص
وبعدين لطيفة دي نجمة ميسمعهاش الاالنجوم
سلاموز بقي احسن تضربيني
عمووووووووووووووووووووووووووووووورة
ربنا يرحم اموات المسلمين كلها يارب كمان ميرسي على كلامك الحلو
والباقي اتكلمنا فيه ع الخاص بقي
سلام يا جميييييييييييييييييييييييل
احمد باشا
والله الاجابات لا جامدة ولا حاجة ده انت اللي جامد يا ريس
ههههههههههههههههههههههههههههههههههه
سلاموز بقي
مدحت حبيبي
ربنا يخليك يارب ويرحم ابوك انت كمان ما احنا ايتام زى بعض
ان شاء الله ربنا يكرمنا ويقربنا ليه كلنا كدة يارب
ميرسي ليك يا حج
سلاموز
كيكي كيكي كيكي كيكي كيكي كيكي كيكي
دبستيني وخليتي فضحتي على كل كومنت ... أقول في لساني ايه مش بيبطل لك ... خلاني اكتب بلاوي وحوشت صباعي بالعافية من ع الكيبورد علشان كان ناوي يكمل يالهوىىىىىىىىىىىىىىىىىىىىىىىىىىىىىىى
خلاص مش كاتب تاني بقي
مالك انتى بتفيدة دي صاحبتي وبرعي عارف صداقة بريئة ... وبرعي قاعد من زمان في كايرو نسي عادات الصعيد خلاص
ههههههههههههههههههههههههههههههههههه
سلاموز يا كيكي
وربنا يديم الصداقة يارب
أنووووووووووووووووووووووووووووووووج
تاج تاني
يالهوييييييييييييييييييييييييييييييي
هتجرس بعد كدة
أصبري عليا الناس تنسي البوست ده وبعدين ابقي ارد على تاجك
ميرسي لذوقك
قباحة
مع اني مشوفتش على مدونتك اى قباحة وشايف بنت اسكندارنية جدعة اوى بس مضطر اناديكي بيها
ميرسي لزوقك والله انا قولت اكشف نفسي على قد ما اقدر علشان تعرفوني كويس
عووووووووووووووووووووووووو
...........................
جاية ارخم
عوووووووووووووووووووو
انا جاي اسلم عليك يا حمادة
معلش و الله مقصر مع الكل بس اكتئاب و الله
تحياتي
كيكي كيكي كيكي كيكي كيكي كيكي كيكي
لا ده أنا بقول اسمك بس اصلي خايف انساه
هههههههههههههههههههههههههههههههههه
نورتي يا كوكو
سلاموزززززززززز
كومييييييييييييييييييييييييييي
أطلع من الاكتئاب وارجع
والله والله والله والله والله واحشتنا جدااااااااااااااااااااااااااااااااا
ياللا يبني نزل بوست وارجع تاني وربنا يرحم امواتنا جميعاً يارب
مبروك التجديد المدونة بقت جميلة
انا حبيت اوى اعلق على الفضايح دى
لأنها انت
او ع الاقل بتبينك اوى
ومش وحش ان يكون فية فضايح عادى يعنى
بس حاول انت انك تقرب من ربنا بالطاعات وتكون اقوى من نفسك هى دى القوة الحقيقية وربنا يعينك بجد
ويعيينا
سلااام
بس بجد عمرى ما شوفت حد بيحب لطيفة اوى كدة مثلك
مش عارفة السر
كمان لدرجة انك تقوول انها انت
ربنا يعينك بجد
بيس
اولا اشكرك على صراحتك جدا جدا
تانيا ايش فيها لبنان بلد عادي مااعتقد انها مثيرة لدرجة انه عقلك طاير فيها تالتا مدونتك رائعه جدا جدا وانا اول مرة ازورها واعجبت فيها ثانكس
Post a Comment