يوميات الست تربيزة

أحنا حاجزين التربيزة دي يا متر ....)
اصطبحنا واصطبح الملك لله من ) من أول اليوم خناق كدة .... أكيد إنتوا لسة ما تعرفتوش عليا أنا أختكم تربيزة هانم ....أيوة هانم حد يقدر يقول غير كده .. أنا يا جماعة تربيزه في فندق خمس نجوم وبلا فخر أنا أفضل تربيزة موجودة في الفندق ... الناس هايموتوا بعض علشان ياكلوا عليا ... والله مش عارفه أعمل إيه .. أنا سامعه واحد هناك بيقول مين اللكاكة دي ومالها بينا ... وسامعه واحد تانى بيقول هو خلاص البني أدمين خلصوا علشان نسمع لتربيزة ... أنا عارفه طبع البني أدم الماسخ هو فاكر نفسه أحسن حاجة موجوده في الدنيا .. طيب دول لو عرفوا مين نازل أكل واطفح عليا والله ها يموتوا من الخوف .... طيب أنا هاسكت خالص وها سمعكم يوم واحد من أيامي تعالوا أسمعوا وشوفوا أنا تربيزة هانم ولا لأ
أهوة جاى يتمختر ببدلتة إلى مشتريها من فرنسا شفتوه بصوا كويس ... نظركم ضعيف طبعا ومش شايفينه كويس مع أنه كل يوم في التلفزيون وفى الجرايد وفى الإذاعة ... أنا حاسه انه لو فتحتوا حنفية هاتلاقوه نازل منها زى الميه ..... يا جماعة المحترم إلى هنا رئيس الوزرا أه والله أنا مش بفتح عليكم .. إحنا بنى الخشب لسة ما خترعوش عندنا الكذب والتسييح زيكم ... طبعا دخل المطعم إلى في الفندق معاه أكتر من 20 بنى جحش بيحرسوه وهو كل يوم ساعة العصارى بيجى يقديها فوقى .... أنا هاسكت بقى الراجل قعد خلاص تعالوا اسمعوا معايا
"يا باشا أحنا كلنا خدامينك من بكرة الأعلام كله ها يكون تحت أشارت سعاتك .... والله القناة الأولى والتانية والمحليات كلهم لازم يكونوا تحت أمرك ... يا باشا أحنا خدامين سعاتك وسعادتة الباشا الكبير طبعا ... والنبي يا شيخ سلمي عليه ... أنا والله كنت شايف صحة سعادته في النازل شويه ... ياه دكتور الضغط والقلب والكبد عنده دلوقتي ربنا يستر ويطولنا في عمر سعادته.... خلاص يا باشا كلام سعاتك أوامر ..........."
الظاهر يا جماعة أنه كان بيكلم حد مهم في البلد .... بس أنا مش عارفه ما وصلتش هو بيكلم مين .... وكمان هو إلى كان بيكلمه كان عاوز صوره ولقائاته تطلع في التلفزيون لـــــــــــــــيه؟ يكونش هو الراس الكبيرة والله ماعرف .... انا برده بتكلم مش عارفه أبطل اللك ده أزاي .... طيب أنا ها سيبكم تانى معاه ... نسيت أعرفكم على إلى معاه... ده معاه سيادته الباشا بتاع الموصلات .... وكمان الباشا بتاع الصحة ... والصغنون بتاع القعدة كان الراجل بتاع الإعلام إلى بيسموه في الوسط (خدام الست) على العموم بلاش نجيب سيرت الناس الطيبة دي تعالوا نسمع قالوا إيه ...........؟
(انا مش عارف يا باشا أرضى الشعب دة منين وازاي ... دة حتى سياتك شايف فتحنالهم القمر الصناعي دة ... سياتك إحنا مزودينه بقنوات تهد الحيل ... وكمان كل شوية بنعقد في أهاليهم علشان يشتروا الدشهات ... دة حتى التلفزيون الغلبان بتاعهم أحنا بدأنا نظبطلهم فيه ... على الله حاجة تملى عنيهم ...)
طبعا دة عرفتوه لوحدكم .... هسسسسس مش عوزه حد يسمعني تعرفوا والله انا صعبان عليا ........... زى ما يكون بيغنى ويسمع نفسه ... هو مش حاسس أنه التلفزيون بتاعه دة بقى للسيد الكبير ومرات السيد الكبير وولاد السيد الكبير ... يعنى بقى عزبتهم والله غلابة هسسسسسسسسسس هايسمعونى يخرب بيوتكم تعالوا نشوف الحج النظيف ها يرد علية بأيه
(انا مش عارف فعلا يا ننوس دة شعب زبالة يا جدع ... مش كفاية أننا مخلينهم يسرقوا وصلات الدش ويسمعوه ببلاش ... ويسمعوا علية نانسى وهيفا وروبى ... انا معاك يا ننوس الشعب ده لازم نشد علية شوية أحسن العيار يفلت ولا أية يا شفيرولية
(انا والله يا نظف بعمل كل ما في أيدي ... ومسخر كل شركاتي لخدمة الوزارة ... تعرف انا والله بتدفع من جيبي ع الشعب التعبان ده .... وكل ما كام واحد يموت عاوزني انا هه أشيل المسئولية .... دول بيحلموا يعنى أنا بس أشيل غباء 75 مليون مواطن دول .... طيب حتى لو ماتوا كل يوم كام واحد أهم بيفدوا الباقي ... يعنى كمان عاوزينى أجهزلهم طيارات مش قطارات يسافروا فيها .... هه دول بيحلموا ولا أية ... تعرف يا ننوس أوعى تحس مع الناس دي بعطف ما أنا عارفك تربية ستات نيههههههههههههههههههههههه ..... انا أسف ما تزعلش منى بس هي النكتة حبكت .... تلفزيون البلد لازم يكون في خدمة البلد ... والبلد هي بلد سيدنا وتاج راسنا وأبن سيدنا وتاج راسنا ولا أيه ..................................؟)
طبعا بعد ولا أية دي لقيت كلهم بيوافقوه ... طبعا يا ولاد الكلب ما أنتوا إلى مستفدين منة ومن أهله
(انا والله من تجربتي في المستشفيات الخاصة بتاعت العيون اكتشفت أنه كل المصريين مصابين بعمى الألوان .... يعنى كل ما نعمل حاجة في صالحهم يقلبوها ويقولوا علينا حكومة مستبدة وظالمة ... يعنى أية لما يموت كام واحد كان عندهم أصلا فشل كلوي علشان شوية أكياس دم فسدانه... انا يا جماعة مكنتش أعرف والراجل صاحب الشركة حببينا يعنى عاوزينى أوديه في داهية ..... وتعرفوا الشعب دة كل ما بيموت منة واحد بيوفر نيههههههههههههههههههههههههههههههههههههههههههههههه .... انا أسف يا جماعة والله للضحك معلش يا نظوة وأنت يا ننوس )
(ولا يهمك يا دكتور ........................ انا معاك كلنا عارفين أنة الراجل دة صاحب شركة الأكياس دي صاحب ولى نعمتنا الروح بالروح يبقى هانحبسه أزاي ...................؟)
أخ يا ولاد الكلب ...... انا الآن من موقعي هذا بالفندق ............ سأقوم بأول حركة معارضة لتربيزات مصر
(أية إلى بيحصل دة أنت يا زفت يا اللي هنا.... الزفته التربيزة دي قلبت كل الأكل علينا ..... يعنى نروح شغلنا أزاي دلوقتي ونوفى نداء الوطن يا كلالالالالالالالالالالالالالاب)
ههههههههههه والله كنت متغاظه منهم بس أحسن منظرهم كان مسخرة بس بعد الحدثة إلى عملتها انا دلوقتي متكهنة زى أي خشبة قديمة ومش الست هانم تربيزة ..... بس تصدقوا انا فرحانة وأكيد ها رجع الست هانم تربيزة تانى ....
حمادة زيدان