لا اخترناه ... ولا شوفناه ... ولا نعرف مين حتى معاه
لا اخترناه ... ولا شوفناه ... قعد فوق دماغنا وتــــــــاه
لا اخترناه ... ولا شوفناه ... وبنقوله أرحمنا بقي
روحة سمجة ... لا عنده أدب ولا مصالحه
وعمره ما شافشي كفر مصيلحة ...
كله تجبر ... وكله تكبر
آسي وأظلم
خلق الله
ياللا أقول وقول معاي
لا اخترناه ... ولا شوفناه
لا مغديني ... ولا معشيني ... وواكل حتى كل سنيني
من يوم مماسكنا ... الفقر مسكنا
والنحس خلاص ركبنا معاه
ياللا أقول وقولوا معاي
لا اخترناه ... ولا شوفناه
واكل خيري ... ومطلع ديني
حتى عيالي جاعوا يا عيني
مش لاقي أكل
ومش عارف أشرب
جوعتنا
منك لله
ياللا أقول وقولوا معاي
لا اخترناه .... ولا شوفناه
لا اخترناه ... ولا شوفناه
وهو بجح ومشردنا معاه
لا اخترناه ولا شوفناه
وعاوز أبنه ينط وراه
لا اخترناه ولا شوفناه
مش عاوز يرحمنا بقي
لا اخترناه ولا شوفناه
ريحنا بقي
منك لله
حمادة زيدان
51 comments:
ههههههههه
ههههههههههههه
هههههههههههههههههههههههههه
هههههههههههههههههههههههههههههههههه
و انا بقول معاك
لا اخترناه ... ولا شوفناه ... ولا نعرف مين حتى معاه
لا اخترناه ... ولا شوفناه ... قعد فوق دماغنا وتــــــــاه
حلوة ياحمادة
صحيح لا اخترناه
بس شوفناه
شوفناه كتير قوي
كل حاجة بتحصل لنا
بنشوفه قدامنا
ونحاسبه ونعاتبه
لكن الاكيد
ان هو
اللي عمره ماشافنا
تحياتي
السلام عليكم
اولا انت نورتني بزيارتك و تعليقك
ثانيا البوست عجبني جدا جدا جدا
لأنه معبر عن الواقع
و لا نملك الا الدعاء
اللهم ولِ امورنا خيارنا ولا تول امورنا شِرارنا
تحياتي الشديدة جدا
عدنان
تعرف انا والله كاتبة تريقه على نفس الاغنيه دي لانها بتستفزني جدا بصراحة
عامه انا معاك وبقولها باعلى صوت
يوم ما اختروه انا ماكنتش مولوده اصلا :)
يعنى لا اخترته ولا شوفته ولا اعرف مين حتى معاه
عموما احنا خلاص بكل امانه الشعب المصري من كتر الظلم والقهر والجوع عفن وبقى بقايا مالهاش اي مستقبل
خسارتك يامصر
اكيد لاننا كنا صغار
كل الاحترام
لا اختراه ولا عايزينه
ولا حتى هو عايزنا
بس هي جت كده
حلوة منك يا حمادة
تحياتي
هههههههههههه
بالتكويس كبر كوسها بالتكويس ظبط هندسها
بالتكويس قلع لبسها
بالتكويس مانت اللى ريسها بالتكويس
يبقى ازاى اخترناه
ازاااااااااااااااى
هلا
مشكور حماده على الزجل..و ياريتوا الحساس ابن الحساس يحس ان الناس مش حاسه بيه...اصلو ما بحسش لو ما حس بيكم...
احمدوا ربنا ان ما فرض ضرايب عليكم نظير استنشاق الهوا المعفن و نظير نعمه المشي ونظير الصداع اللي جايبوا ليكوا...الظاهر انكو شعب مدلع على الآخر...لو عمل كده اكيدالمملكه المباركيه حتبقى اغنى و اغنى... بالفقراء والمساكين ...فاحمدوا ربنا انها جات على كده و بس... الله يكون معاكم يا شعب المعصوره..الله معاكم
إيه ده الحلاوة دى يا حمادة زجل جامد جداً وأجدت إختيار الكلمات
ومعلش الأيام دى مشغول شوية
هههههههههههههههه
بصراحه جامده قوي،وفكرتها حلوه كمان
.........
بس انا مش عارف ليه مش عايز اظلمهلأني حاسس ان احنا في كارثه اكبر منه ..هو اه ممكن يكون السبب الكبير في اللي احنا وصلنا له..بس انا وقت الكلام الحقيقي مش هقعد اقول مين السبب
لا
هقول نحل المشكله ازاي..هو دا السؤال؟
عشان كدا انا معدتش بشغل نفسي بالريس مبارك..انا كل اللي شاغلني دلوقت....وبعد الفتره الطويله دي من حكم مبارك..شاغلني مين هيكون بعده
..وهل هيكون افضل منه؟؟؟
هل هيخاف علينا؟؟
هل هيحس بالناس الغلابه؟؟
هل هيقدر يوفر لينا حياه كريمه تليق بكل واحد مننا كإنسان؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
خالص تحياتي
قبطان
مارو حبيبي
لا اخترناه ولا عاوزينه
بس هو يرحم أهالينا
هو الموت خلاص مش جايله
وليه عمره طويل كدة ليه
كفر 80 مليون مواطن
وهو لوحده قاعد ساكت
قاعد يبلع في خيرنا
لغاية ما خربنا
تحياتي
يا عمري
بطــــــــــــــــــــــــــــــوط
والله عندك حق يا بطو
هو عمرهم ما كان عنده نظر
عدنــــــــــــــــــــــــــــــان
نورتني بزيارتك ... وانت حد رومانسي اوى على فكرة
دينا
الظاهر في الغنوة دي كانوا بيغنوا لحد تاني من بره مصر أو من خارج كوكب الأرض بحاله
نهر
والله فعلاً
بس للأسف أحنا لسانا صغار لغاية دلؤتى
أستاذ حسن
نورتني بزيارتك الكريمة
والله فعلاً محدش فينا أختراه ده قدرنا الاسود
هههههههههههههههههههههههه
مدحوت
حلوة اوى قصيدتة بالتكويس بتاعت سياتك
تميم
ربنا يخليلكم تونس
ومتكونش عايشه فى الخراب اللي احنا عايشين فيه
أحمد
ربنا يجعلها اخر الاحزان
وتخلص الافتشالات علشان تبقي شاب عاطل مصرى
دكتور
حبيب قلبي
والله عندك كل الحق ... الريس دلؤتي بيلعب في الوقت الضايع ... يعني الدور على واحد تانى يا ترى هيكون مين ولا ايه الله أعلم
ههههههههههههههههه
ومين يبني اللى اختاره
جامده يا واد يا حمادة
ربنا يرحمنا منه
نيجووووووووووووووور
ايه يا عم انت حاسب على نفسك والنبى عايزينك يا حمادة يا اخويا... بس جامد يا معلمى فى الجون والله الله ينور
ورايا على مارينا بدون كلام يالا
يا ابنى قول قول براحتك النبى ما بيأثر فيه كلام ولا سلام
ههههههههههه
انا زيك بالظبط
حتى ايامها كنت صغير
لابجد جامدة
احيك عليها
اتمنى تنورتى فى مدونتى افكار حرة 1 ويكون بنا تواصل
تحياتى
ماتعيبوش وقولو الحمد لله رب العالمين
ماتعيبوش وقولو الحمد لله رب العالمين
ايه يا عم انت عاوز تروح انهو معتقل
كلامك جميل فى الشعر بس السياسة
انا معاك بس خليها بينى وبينك
احسن
ربنا يستر
هانت كلها كام يوم
احنا اصلا مكناش عرفنا مين هيبقى الرئيس لما مسكنا
اصلا مكناش عارفين يعنى ايه رئيس
دا من حوالى 25سنه
يعنى اكبر منى ومنك
بس يارب نغير
تحياتى
احمد حبيبي
والله محدش شافه ولا اختراه
بس هو اللي اختارنا
انجي
دونت تخافي يا بنتي .... إن شالله هيعموا عن البوست ... وبعدين انا بعبر عن رأيي انا مش عاوزه ولا اخترته
آبي
طيب خودينا في الشنطة بتاعت العربية بقي ... ولا مارينا التانية دي بتكون المواصلات عليهم صح
تامر
نورتني يا زعيم
والله لا حد شافه ولا انتخبه
هو بينتخب نفسه
مجووووووووووووود
انت اصلك منوفي زيه
ههههههههههههههههههههههههههههههههههه
السلام عليكم ورحمه الله وبركاته
آخى الكريم
لما أراك لم تشارك معنا فى حملتك إلى الآن ؟
أخي العزيز : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أخي الحبيب أن مشاركتك في هذه الحملة سوف يكون احد أسباب نجاحها ونشر لغتك
ندعوا الى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم
خلتني الف في مدونتك واكتبلك تعليق في كل حته ياابن المنيا
مش عارفه ليه بس
جواك تناقض كبير حسيته
ربنا يحققلك كل اللي تتمناه
بحييك بجد علي مدونتك
سلامي ليك وكل الود
يانهارررررررررررررررررر ابيض اية البوست الى يودى فى داهية دة....هههههههههههه جامد اوووووووووووووووووووى..اقولك حاجة امسك نفسك انا نجحت
توتا
ميرسي ليكي على كل زياراتك وتعليقاتك في المدونة
وانا سعيد أوى بكل الكومينتات دى وعلى فكرة مدونتك جميلة جدا
كيكـــــــــــــــييييييييييييييييي
مبرووووووووك
مبروووووووووك
مبرووووووووووووك
عليكي النجاح
ومتخفيش عليا الراجل أخد ع الكلام ده اوى
ومعدتش يهمه
هههههههههههههههههههه
يارب خده وريحنا
نعمل ايه بقى وياه
طابق على نفسنا
لا اخترناه ..ولا عايزين نشوف خلقته فعلا
الراجل دا هنا من قبل ما نتولد
نبقى اخترناه ازاي
الحقيقة انا نفسي ان ربنا هو الى يختاره ونستريح احنا بقى
:)
كلامك جميل فعلا
أحييك
محمد باشا
والله يا ريس أحنا اللى سايبينه يطبق ومنفضين عالاخر
ربنا يرحمنا من عنده ويموت بقي ونخلص
روفي
والله ما احنا عاوزينه ولا طايقينه
بس هو خنقنا وطلع ديننا
ياللا ربنا يكرمنا
ونشوفه على كفنه
والناس بتزغرد من الفرحة
وهو بيتعذب من قرفه
انت ياعم...
فى موضوع مهم حصل كدة وقلت انك اول واحد هتكلم علية...النائب العام وقضية هانى سرور...اوعى تقولى معرفش...
الصراحة كنت عايزة اكلم فى الموضوع دة بس مفيش فكرة فى دماغى بخصوص برعى وتفيدة...
انا قلت اوا واحد هيكلم انت.. باسلوب بجد الجميل..السياسى الساخرررر
يلا ياعم بقى عايزة اشوفك هتكتب اييييييييييييية.....زنقتك
كيكي
والله وشي حمر من الخجل من كلامك
انا هقعد اعصر في نفوخي وهكتب بوست عن الموضوع ده
بس ادعيلنا
وسلميلي
على برعي وتفيدة
ههههههههههههههههههه
هههههههههههههههههههه
بصراحه كل كلمه تليق عليه
االله يخدو البعيد
هموس
ربنا يرحمنا منه والمصيبة لو اترحمنا منه هيجلينا الف بعدية زيه
العيب مش فيه العيب فينا احنا
ايه يا ابنى فينك وحشتنا
ههههههههههههههههههههههههه
جميله يا محمد
بجد جامده
بوست جميل احييك
انجي
والله موجود بس لسه مفيش افكار
ادعيلي الحجة افكار تيجي وانا اكتب
شكرا لسؤالك
بنت مصرية
واحشتينا جداً فييييييييييييييييييييينك
انا قولت رحلة النيل لسه مأثرة معاكي
ههههههههههههههههههههههههههههههههههه
حمدالله ع السلامة
لا ادري ايهما اجمل الفكرة ام الاسلوب
تحياتي لموهبتك الجميلة
أم احمد
نورتيني وميرسي على مجماملتك الجميلة
Post a Comment