لحظة وداع
لما قالت نفترق
حسيت بنار بتولع جوه قلبي وتتحرق
حسيت بجرح انفتح قعد ينزف سنين كتار من غير ألم
حسيت بقلبي زي ما يكون حتة ورق
متقطعة على أرض مبلولة
بمية مطر
حسيت بإن قلبي إللي كان مليان بالفرح
أصبح حجر
حسيت بكل حاجة صعبة مرة
حتى الكلام نسيته
ولساني بطل كل رقصة كان بيرقصها
مع كل كلمة خارجة
من قلب مليان بالفرح
لحظة وداع
والعمر مليان بالوداع
ويا قلبي بطل نزيفك
ودور على قلب تاني
يحس بيك وتحس بيه
ووقت حزنك هتلاقيه
ووقت فرحك
هيسعدك , وتسعده
ياللا يا قلبي فوق من غفوتك
وامسح دموعك
وقوم كدة
خليك جدع
معلش يا جماعة أول مرة أكتب حاجة رومانسية ... أهو قولت مرة من نفسي ... أكتب عن الحب بعد ما مريت بتجربة صعبة شوية
حمادة زيدان
14 comments:
حلوه اوى يا حماده
جميله
بس اول مره اعرف ان اللسان بيرقص
و عاوز اقولك نت انسان جميل و رائع و اللى يبيعك يبقى هو اللى خسران
و اكيد هى متخلفه انها يعمل معاك كده
او على الاقى مش تعرفك كويسو لا فهمتك اصلا
سيبك منها يا زيزو و عيش بس عيش حياه جميله و نضيفه بعيده عن الاحزان و القلق
اسعدني تواجدي
وبعد قراءة هذا البوست ولحظة وداع واعجابي ببساطتها وبعيد عن المبالغة قررة أقرأ صفحتة المدونة من تحت لفوق وأخذتها فحت وردم من
مصري للبيع والسخرية
سخرية لاذعه
مش عايزين النهارده
رغم عمر فنان جميل ونضج في كثير من الالبومات السابقة فمش عارف عمل كده ليه
المستحي
ودي حكايه ..حكايه
لبنان مبروك
ودي لفته جميلة من ابناء النيل
النيل والشجرة والصخرة
وصورة فعلا لكورنيش النيل وكاني بشوف كورنيش القاهرة
الفول واللحمة
ودي رائعة بصراحه لذلك أدعوك لقراءة بوست قديم لدي اسمه طبق فول مدمس
لما قالت نفترق
مالياااااانه كم من الاحاسيس من انسان مرهف الحس
نسلم قريحتك
حسن أرابيسك
تجربة ايه
هو انت لحقت يابنى
على العموم طلعت رومانسى يالئيم
عايزين نشوف حاجات اكتر بقى
وزى مامارو قال الصراحة
هى اللى خسرانة بجد
لانك بجد شخصية جدعه جدا
والله
مارو حبيبي
ميرسي يا حبيبي على كلامك وتشجيعك ليا ... وربنا يخليك ليا دائماً
حسن ارابيسك
والله المدونة بترقص لأنك زرت كل مكان فيها
نورتني بجد والله وليا مزيد الشرف لزيارتك الجميلة دي
مدحت
ههههههههههههههههههههههههههههههههه
أه كان في تجربة عندك مانع
ههههههههههههههههههههههههههههههههههه
ميرسي يا مدحت
جميلة مع إنها حزينة :(
ربنا يوفقك مدونتك جميلة بجد أول زيارة ليا هنا لكن أكيد مش هتكون الأخيرة إن شاء الله
ربنا يرزقك باللى تهنيك وتكون نعم الزوجة الصالحة ويسعدك بيها
تقبل مرورى وتحياتى ودمت بخير
أحسنت
يا حمادة يا ابنى خدها منى كلمة حكمة: اللى يبيعك بيعه واكسب فيه.... بس سيبك انت احساسك عالى وجديد اوى وعاجبنى التعبير بتاع اللسان اللى بيرقص والورقة اللى وقعت على ارض مبلولة مطر ... لاجامد
رائعة والله ياحماده
استمر ياابني في الرومانسي
عشان انت لايق عليك الرومانسيه قوي
............
اسلوبك رائع والله
خالص تحياتي
قبطان
استاذة خديجة
أشكر زيارتك الأولى لي وأتمنى التواصل فيما بعد
أدم حبيبي
ميرسي يا قمر ... وربنا يرجعك بالسلامة يارب
انجي
والله مقدرتش أبيع
الحب غالي أوى عالواحد يبعيه
ميرسي ليكي
دكتور محمد
أتشرف بكلماتك وزيارتك الجميلة للمدونة
الرومانسي بقة يا دكتور بيجي مع العواطف يعني طول ما القلب شغال ممكن أكتب لكن القلب دلؤتي في مرحلة صيانة
Post a Comment